To‘yga munosib to‘yona bo‘ldi

Oltinsoylik tadbirkorlar va homiylar tomonidan ezgu tashabbusga qo‘l urildi. Bu bilan ehtiyojmand oilalar qalbiga nur olib kirilgandek bo‘ldi. Ya’ni tumanning “Jobu” mahallasida yashovchi tadbirkorlar va homiylar tomonidan 12 nafar ehtiyojmand oila farzandlariga xatna to‘ylari o‘tkazildi.
Quvonarlisi, to‘y to‘ydek o‘tdi. To‘y bolalar qatori ularning oila a’zolari, yaqinlari ham dildan yayrashdi, xursandchilik qilishdi. Ayniqsa, Oltinsoy tumani hokimi Bahrom Maxmatrayemov tashrif buyurib, to‘y tashkilotchilariga minnatdorchilik bildirdi va bolajonlarni to‘ylari bilan samimiy qutladi, kelajakda jamiyatga naf keltiradigan insonlar yetishib chiqishlari tilandi.
Sunnat to‘ylari o‘tkazilgan bolajonlarning har biriga bankdan hisob raqami ochilib sovg‘a tariqasida 1 milion so‘mdan pul mablag‘i qo‘yildi.