1v1.lol slope unblocked io games

Migrantlar uchun qulaylik

Date:

Ko‘pchilik xorijda ishlashni istaydi-yu, yo‘l va boshqa xarajatlari sabab bu istakni amalga oshira olmay turadi. Migrantlarga qulaylik yaratish maqsadida endilikda ularning ishchi viza, yo‘l chiptasi, xorijiy til va kasb bo‘yicha malakasini baholatish xarajatlari qisman qoplanadi. Bu kabi takliflar Prezident Shavkat Mirziyoyevga taqdimot qilindi. Davlat rahbari sohada fuqarolarga qulayliklar yaratish, mehnat migratsiyasidan qaytgan shaxslarning bandligini ta’minlash vazifalarini qo‘ygan edi. Shu bois mehnat migratsiyasi tizimini takomillashtirish bo‘yicha takliflar ishlab chiqilgan. Unga ko‘ra, Bandlik vazirligi huzuridagi Tashqi mehnat migratsiyasi agentligi davlat muassasasi shaklida boshqaruv organiga aylanadi.
Buyuk Britaniya, Germaniya, Polsha, Vengriya, Yaponiyadagi elchixona va konsulliklarda mehnat migratsiyasi bo‘yicha attashe, Saudiya Arabistonida agentlik vakili lavozimi joriy qilinadi. Xorijdagi fuqarolarimiz masalalarini tezkorlik bilan hal qilish uchun elchixonalar va tegishli vazirliklarda 24 soat ishlaydigan “koll-markazlar” tashkil etiladi.
Mehnat migratsiyasidan qaytgan fuqarolarning bandligiga ko‘maklashish ham muhim masala. Shu bois, Sayxunobod tajribasi asosida ularga tomorqada mahsulot yetishtirib, daromad olishi uchun moliyaviy ko‘mak beriladi hamda boshqa turdagi bandlik xizmatlari ko‘rsatiladi. “Kichik biznesni uzluksiz qo‘llab-quvvatlash” kompleks dasturiga muvofiq imtiyozli kreditlar ajratiladi. Tibbiy muassasalar migratsiyadan qaytgan shaxslar va ularning oila a’zolarini bepul tibbiy ko‘rikdan o‘tkazadi. “Inson” markazlari tomonidan ota-onasi xorijda mehnat qilayotgan bolalarga ijtimoiy yordam ko‘rsatiladi.
Mehnat migratsiyasidan qaytganlarni ishga olgan korxonaga har bir xodim uchun bir yil davomida Bandlikka ko‘maklashish jamg‘armasidan oyiga 500 ming so‘m subsidiya beriladi. Ushbu tadbirlarga bu yil uchun barcha manbadan 100 milliard so‘m ajratiladi.
Davlat rahbari bu tizimni samarali yo‘lga qo‘yib, fuqarolarga sifatli xizmat ko‘rsatish, bandlikni oshirish bo‘yicha ko‘rsatmalar berdi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Siz kelmang o‘zimiz boramiz”

Sho‘rchi tumanining “Olatemir” mahallasida “Siz kelmang o‘zimiz boramiz” tamoyili...

Bunyodkorlik ishlari davom etmoqda

Angor tumanida Sanitariya-epidemiologik osoyishtalik va jamoat salomatligi bo‘limining eski...

“Ma’naviyat sektori”ni namunali yo‘lga qo‘yish maqsadida

Ta’lim muassasalarida, tashkilot va idoralarda, mahallalarda “Manaviyat sektori”ning faoliyat...

Hamkorlik yangi bosqichda

Davlatimiz rahbari Shavkat Mirziyoyevning taklifiga binoan, Rossiya Federatsiyasi Prezidenti...
KunTun
KunTun