O‘z vaqtida…

Yo‘llar uzoqni yaqin, hududlarni bir-biriga bog‘lovchi ko‘prik vazifasini o‘taydi. Yo‘llarimiz ravon bo‘lsa, hech bir qiyinchiliksiz manzilimizga yetib olamiz. So‘nggi yillarda yo‘lsozlik sohasiga katta e’tibor qaratilayotirki, tuman va qishloqlar, chekka hududlarimiz yo‘llari ham shahardagidan qolishmaydi, tekis va ravon. O‘z navbatida aholi ham bunday sa’y-harakatlardan, qulayliklardan mamnun. Sho‘rchi tumanidagi davlat ahamiyatiga ega bo‘lgan 4R101 “Jarqo‘rg‘on sh.—Kakaydi sh.—Lalmikor q.—Xushcheka q.—Tojikiston Respublikasi chegarasi” avtomobil yo‘lining 79-kilometr qismida “Xushchekka” mahallasidan o‘tuvchi ko‘prik mavjud bo‘lib, ushbu ko‘prikning qurish ishlari davom ettirilmoqda.
Boshlangan ishlar jadallik bilan amalga oshirilib, ayni paytda mazkur obyektda loyiha-smeta hujjatlarida ko‘zda tutilgan oraliq qurilmalarini o‘rnatish va montaj qilish ishlari olib borilmoqda. Ushbu murakkab muhandislik inshootida olib borilayotgan qurilish ishlari belgilangan muddatda nihoyasiga yetkazilib, foydalanishga topshiriladi.