Bugun Termiz tumanida MMTB bo‘limi tasarrufidagi 1-sonli umum ta’lim maktabida “Men farzandimning taqdiriga befarq emasman” mavzusida navbatdan tashqari otalar yig‘ilishi bo‘lib o‘tdi. Unda Maktab direktori A.Ro‘zikulov, 3-sektor rahbari podpolkovnik O‘.Mustafoqulov hamda ota-onalar ishtirok etdi.
Yig‘ilish kun mavzusida voyaga yetmaganlarning chet elga ruxsatsiz chiqib ketishining oldini olish hamda chet elga chiqib ketayotgan ota-onalarning farzandining qarovsiz qolishlariga yo‘l qo‘ymaslik choralarini ko‘rish masalalari o‘rin oldi. Maktab o‘quvchilarining turli xil yot g‘oyalar ta’siriga berilib ketishining oldini olish holatlariga e’tibor qaratildi.
Mobil telefonlar o‘quvchi-yoshlar salomatligi va ta’limiga salbiy ta’sir ko‘rsatishi hamda undan foydalanish madaniyatini shakllantirishga qaratilgan targ‘ibot ishlarini kuchaytirish masalalari yuzasidan tushuntirish ishlari olib borildi.
Tadbir so‘nggida ko‘tarilgan masalalar yuzasidan ota-onalarning fikrlari va takliflari eshitilib, muhokama qilindi.
Dinara Qo‘zimurotova
