“Termiziylar avlodimiz” shiori ostida

Eng avvalo, Termiziyga yurtida yashayotganimizdan, buyuk ajdodlarimiz bilan faxrlanamiz. Shu sababdan ham birinchi navbatda tariximizni, bobolarimiz kim ekanini bilishga, o‘qib o‘rganishga harakat qilamiz. O‘zlikni tanish ana shunday boshlanadi-da. Sherobod tumanidagi umumta’lim maktablarida Imom Termiziy xalqaro ilmiy-tadqiqot markazi ilmiy xodimlari ishtirokida o‘tkazilgan “Termiziylar avlodimiz” shiori ostidagi targ‘ibot tadbirlari yoshlarni ulug‘ allomalarimizning boy maʼnaviy merosi bilan yaqindan tanishtirishga hamda ularga munosib avlod etib tarbiyalash maqsadini ko‘zladi.
Tadbirda Imom Termiziy, Hakim Termiziy, Burhoniddin Termiziy, Аbu Bakr Varroq Termiziy kabi Termiziy allomalar hamda yurtimizdan yetishib chiqqan mutafakkir zotlarning yosh avlod uchun ibrat manbai bo‘lib xizmat qiluvchi boy ilmiy merosi xususida fikrlar bildirildi. Shuningdek, allomalar merosini o‘rganish bo‘yicha yurtimiz, xususan viloyatimizda amalga oshirilayotgan ishlar, yurtimizda yoshlarga yaratib berilayotgan imkoniyatlar to‘g‘risida to‘xtalib o‘tildi.