“Mirzo Ulugʻbek vorislari” aniqlandi

Buyuk olim-u fozil bobolarimizga munosib izdosh bo‘lish uchun o‘qish, izlanish, o‘z ustida ishlab, g‘oya va loyihalar ishlab chiqish lozim. Ana shunday bilimli, iqtidorli yoshlarni kashf etish maqsadida yurtimizda turli tanlov va tadbirlar o‘tkazilib kelinmoqda. Ana shunday tadbirlardan biri esa “Mirzo Ulugʻbek vorislari” ko‘rik-tanlovidir.
Hududlardan aniqlab olinadigan yosh iste’dodlar respublikaga yo‘naltiriladi. Vazirlar Mahkamasining qarori bilan isteʼdodli yoshlarni qoʻllab-quvvatlash “Ulugʻbek” jamgʻarmasi faoliyatini rivojlantirish maqsadida oʻtkazilayotgan tanlovning hududiy bosqichi Termiz tumani kasb-hunar maktabida boʻlib oʻtdi. Birinchi bosqichda IQ testdan 110 ball va undan yuqori natijaga ega boʻlgan 40 nafar ishtirokchidan 17 nafari qatnashdi. Hayʼat aʼzolari xulosasi bilan Zulfiya Shomirzayeva, Oʻktam Tojiyev, Diyor Davlatov, Shuxratjon Zokirov va Nuriddin Majidovlar gʻolib deb topilib, tanlovning viloyat bosqichiga yoʻllanma oldilar.