“Yosh kitobxon”: final boshlandi

Har yili yosh kitobxonlar kashf etilib, kitob o‘qishning ahamiyati, foydasi ko‘rsatib kelinmoqda. Kitob o‘qigan yosh ham ma’naviy dunyosini, ham moddiy jihatdan oilasini ham boyitayotgani barchani kitobxonlikka, mutolaaga munosib motivatsiya berayotir. Bu an’ana yeti yilki davom etib, kitobxonlar auditoriyasi kengayib bormoqda.
Toshkent shahridagi Yoshlar ijod saroyida “Yosh kitobxon” tanlovining respublika final bosqichining ochilish marosimi kitobxon yoshlarni, ayniqsa, finalga chiqqanlarning hayajonini oshirdi. Respublikamizning barcha viloyatlari yoshlari kabi surxondaryolik yoshlar ham tanlovning 1-shartiga ishtirok etib, o‘z bilim va mahoratlarini namoyon etmoqda. Jarayon, tanlov ana shunday ruhiyatda davom etsa, vohadoshlarimiz yuqori natijalarni qayd etishlari aniq.
Tanlov 15-fevraldan 23-fevralga qadar davom etadi.