Psixologlar malakasini oshirdi

Psixologiya inson ruhiyatini o‘rganib, uning hayotini izga solishga, muvaffaqiyatlar kaliti faqat va faqat o‘zimiz ekaniga ishonishga undaydi. Aslida ham shunday. Shunchaki, o‘zimizni anglamaganimiz uchun ham tushkunlikka tushishimiz, norozichilik kayfiyatida bo‘lishimiz mumkin. Psixologlar esa holatimizni anglatib, to‘g‘ri maslahat va tavsiya berib yuboradilar. Qarabsizki, bu olamga o‘zgacha nigoh bilan qaray boshlaymiz.
Psixologlar ham insonlar bilan, uning ruhiyati bilan ishlar ekan, doimo o‘z ustilarida ishlab, bilim va tajribalarini oshirib borishlari shart va zarur. Ayni maqsadda joriy oyda psixologlarni bilim va malakasini oshirish oyligi doirasida umumta’lim maktablari psixologlari uchun seminar treninglar tashkil etilmoqda.
Ushbu jarayonda “Shaxs xususiyatlarini o‘rganish” testi va uning “Interpretatsiyasi”, “Deliktiv xatti-harakatlar” tushunchasi, “Addiktiv” (zararli odatlarga qaramlik) va diniy ekstremizm, “Agressiv” (tajovuzkorlik) xatti-harakatlar va maktablardagi zo‘ravonlikni oldini olish hamda “Autodestruktiv”(o‘z-o‘ziga zarar yetkazuvchi) xatti-harakatlar mavzulariga oid seminar treninglar o‘tkazildi. Aytish kerakki, targ‘ibot ishlari joriy yilning 20- fevraliga qadar davom ettiriladi.