Denovda “Erudit-kvartet” turniri bo‘lib o‘tdi

“Zakovat” o‘yinlarida ishtirok etib yoki qiziqib tomosha qiladigan yoshlar “Erudit-kvartet” nima ekanini yaxshi biladi. Denov tuman 2-son ixtisoslashtirilgan maktab-internati binosida “Zakovat intellektual klubi” NNT tomonidan viloyatimizdagi o‘quvchilar o‘rtasida o‘tkazilgan “Intellektual olimpiada” musobaqasi doirasida “Erudit-kvartet” turniri o‘tkazildi.
Turnirda viloyatimizning shimoliy tumanlaridan 30 ta jamoa ishtirok etdi. Bahslar esa qizg‘in savol-javoblarga boy bo‘ldi. Belgilangan muddatlarda o‘quvchilarning tezkorlik va ziyraklik bilan berilgan savollarga javob berishlariga to‘g‘ri keldi. Topqir jamoalarning his-hayajonini-da kuzatish zavqli bo‘ldi. Bahs yakunida 1-o‘rin – Denov tumanining 2-IMI jamoasiga nasib etdi.