Mehnatga layoqatsizlik varaqalari elektron shaklda rasmiylashtiriladi

Date:

Gripp avj oladigan mavsumda og‘rib qolsak, davolanmasak bo‘lmaydi. Shu bois, biroz muddat ishdan qolishga majbur bo‘lamiz. Hamma narsaning ham hisobi bor deganlaridek, bilamizki vaqtinchalik mehnatga qobiliyatsizlik ma’lumotnomasi kerak bo‘ladi. Betob bo‘lishimizga qaramay, yana qog‘ozbozlik bilan ovora bo‘lishimiz ham kerak. Bu shifoxonada turnaqator bo‘lib navbat kutishga to‘g‘ri keladi. Endilikda ana shunday sarsongarchilikning oldi olinib, xalqimiz uchun qulay imkoniyat yaratildi. Ya’ni shifoxona yoki uyda davolanish jarayonida ish haqidagi ma’lumotnomani elektron shaklda taqdim etishimiz biz bemorlar uchun ham, shifokorlar uchun ham qulaylik bo‘ldi.
2022-yil 1-sentyabrdan Sog‘liqni saqlash vazirligi hamda Iqtisodiyot va moliya vazirligi tomonidan yurtimizda vaqtincha mehnatga qobiliyatsizlik varaqalarini elektron shaklda rasmiylashtirish test-rejimida amaliyotga tatbiq etilgan edi. Hozirga kelib, bu jarayonlar to‘liq yakunlanib, 2024-yil 1-yanvardan respublikaning barcha hududlarida mehnatga layoqatsizlik varaqalari va ma’lumotnomalarini faqat elektron shaklda rasmiylashtirish belgilandi.
Tizimga kiritilgan mehnatga layoqatsizlik varaqalari to‘g‘risidagi ma’lumotlar Iqtisodiyot va moliya vazirligining “Ijtimoiy himoya yagona reestri” (my.gov.uz) axborot tizimi hamda “UZASBO” dasturiy ta’minotiga elektron shaklda yuboriladi.
Xususiy tashkilotlar xodimining mehnatga layoqatsizlik varaqalari to‘g‘risidagi ma’lumotlarini olish uchun Mehnat.uz axborot tizimi hamda “UZASBO” dasturiy ta’minotiga integratsiya qilingan bo‘lishi lozim.

Dinara Qo‘zimurotova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Parasport musobaqasi bo‘lib o‘tdi

Jismoniy imkoniyatning cheklanganligi insonni jamiyatdan uzib qo‘ymasligi kerak. Albatta,...

“Toza havo” oyligi: birinchi bosqich boshlandi

Insonlarga yaxshilik qilish qo‘limizdan kelmasa, yomonlik ham qilmaslikni o‘rganishimiz...

Kitoblar karvoni hududlarga yo‘l oldi

Kitob insonning eng yaxshi hamrohidir. Bejizga yosh-u keksa kitobga,...

Surxondaryoda respublika seminari o‘tkazildi

Prezidentimizning 2023-yil 16-17 noyabr kunlari viloyatimizga tashrifida respublikamizda birinchi...
KunTun
KunTun