Xalqaro g‘alaba qayd etildi

Mental arifmetikaning foydasini eshitgan borki, farzandlarini o‘rganishga chorlayapti. U aqlni charxlaydi, xotirani yaxshilab, hisob-kitob, fikrlash dunyoni kengaytiradi. Mental arifmetika sir-asrorlarini bilgan bola tengdoshlaridan ajralib turadi. Shu sababdan ham bolaning 5 yoshidan mental arifmetikani o‘rganish tavsiya etiladi.
Mental arifmetika bo‘yicha bo‘lib o‘tayotgan olimpiadalar yoshlarning bilim va iqtidorlarini namoyon etguvchi minbar vazifasini o‘tamoqda. Qozog‘iston Respublikasida mental arifmetika bo‘yicha bo‘lib o‘tgan xalqaro olimpiadada surxondaryolik yoshlar ham bor edi. Ular aslo tengdoshlaridan qolishmay faollik ko‘rsatishdi. Berilgan shartlar bo‘yicha bellashib, bilim va salohiyatlari nechog‘lik yuqori ekanini namoyon etdilar.
Yakuni natijalarga ko‘ra, Muzrabot tumanidagi 11-umumta’lim maktabi o‘quvchisi Abdulaziz To‘rayev faxrli 1-o‘rinni, 7-umumta’lim maktabi o‘quvchisi Kamoliddin Ko‘charov esa super chempionlikni qo‘lga kiritdi.