54 ish o‘rni yaratildi

Tadbirkor elga madadkor deyishadi. Haqiqatan ham tadbirli insonlarning tashabbus va g‘oyalari, loyihalari nafaqat uning o‘ziga, balki elu xalqqa ham foyda keltiradi. Ishbilarmon, serg‘ayrat tadbirkor Tojinor Ishonqulova ham aynan shunday. Tadbirkor ayolni sho‘rchiliklar yaxshi taniydi va hurmat qilishadi. Sababi opaning tumandagi “Sevimli” savdo majmuasi aholi xizmatida bo‘lib, u yerda barcha qulayliklar yaratilgan.
Tojinor Ishonqulova bu bilan kifoyalanmay, o‘z ishini kengaytirdi va navbatdagi “Sevimli-2” savdo majmuasi faoliyatini yo‘lga qo‘ydi. Natijasi esa quvonarli bo‘ldi. Savdo majmuasi ish boshlashi bilan 54 nafar ishsiz ishli bo‘ldi. Birinchisidan aslo qolishmaydigan majmuada ming turdan ziyod mahsulotlar o‘rin olgan bo‘lib, ishchi-xodimlarning qo‘li-qo‘liga tegmay, xaridoru mijozlarga xizmat ko‘rsatish bilan band.