Zararli illatlarga, salbiy holatlarga qarshi kurashishning yo‘llari ko‘p. Muhimi, ta’sir kuchini to‘g‘ri tanlay bilish, keng jamoatchilikni ishontira olish va to‘g‘ri yo‘lga sola bilishdir. Bu borada teatrning kuchi kattadir. Uzun tuman pokuraturasi hamda tuman hokimligi illatlar bilan kurashishda san’at kuchidan foydalanishdi. Tuman Madaniyat bo‘limida Surxondaryo viloyati Musiqali dramma teatiri aktyorlari tomonidan “Chorrahadagi odamlar” nomli spektakli namoyish etildi.
Spektaklning mazmun-mohiyatida mobil aloqa vositalaridagi qumor o‘yinlari hamda xorijiy davlatllarga ishlash uchun borib, turli oqimlarga aldanib kirib qolgan yoshlar hayoti gavdalantirilgan. Tomoshabinlar qumor o‘yinlarining, o‘ylamay qilingan qarorning oqibatlarini qahramonlarning kechmishi misolida ko‘rib, bilib oldilar. Oqibatlar bilan yuzlashdilar, o‘zlari uchun kerakli bo‘lgan xulosalarni chiqardilar. Umid qilamizki, mana shunday ta’sirchan asarlar, hayotiy voqealar yoshlar uchun katta maktab vazifasini o‘tab, noto‘g‘ri qadamni tashlamasliklariga turtki bo‘ladi.
