G‘ovlar osha yugurib…

Yaxshi bilamizki, yengil atletikada pastdan start olgancha, belgilangan masofaga yugurish boshlanadi. Qizig‘i shundaki, pastdan start olish har doim ham bo‘lmagan. 1887-yilgacha start oldidan yuguruvchilar shunchaki buyruqni kutishgan. Sprinter Sherill kenguruning harakatini kuzatib, yangi holatni taklif qilganda, hammasi o‘zgarib ketdi. Yengil atletika sport turi yurtimizda ham anchayin ommalashgan bo‘lib, turli musobaqa va chempionatlar tashkil etilib, chempionlar kashf etiladi.
Chirchiq shahrida ham yengil atletika bo‘yicha O(20) yoshlar o‘rtasida O‘zbekiston chempionati bo‘lib o‘tdi. Mahoratli sportchilar orasida Oltinsoy tumani sport maktabi Yengil atletika sport turi tarbiyalanuvchisi Oyzira ham ishtirok etib, Surxondaryo sharafini munosib himoya qildi. U 3000 metrga g‘ovlar osha yugurish turidan faxrli 3-o‘rinni egalladi.