Oʻzbekiston chempioni boʻldi

Sirdaryo viloyati, Guliston shahrida taekvondo WT boʻyicha Oʻzbekiston chempionatiga start berildi. Kattalar o‘rtasida bo‘lib o‘tgan musobaqalarda yurtimizning barcha hududlaridan mahoratli sportchilar ishtirok etdi.
Musobaqada erkaklar ham, ayollar ham 8 tadan vazn toifasida bahs olib borishdi. Aytish kerakki, bahslar murosasiz kurashlarga boy bo‘ldi. Unda Uzun tumanidan ishtirok etgan Abbos Choʻponqulov 87 kilogramm vazn toifasida munosib kurashdi va raqiblarini yengib, Oʻzbekiston chempioni boʻldi.
G‘olib va sovrindorlarni Taekvondo WT asosatsiyasi bosh kotibi Murod Mamadaliyev hamda Tokio olimpiadasi oltin medal sohibi Ulug‘bek Rashidovlar taqdirladi.