Olimpiada g‘oliblari aniqlandi

Yurtimizda ta’lim-tarbiya masalalariga, yoshlar taqdiriga muhim e’tibor qaratiladi. O‘quvchi-yoshlarning fan sirlarini olishlari bilan bir qatorda tadbirkorlik salohiyatlari, moliyaviy savodxonligi ham oshirib boriladi. Termiz shahridagi 26-umumta’lim maktabida Surxondaryo viloyati hokimligi va Tataristonning “Alabuga” erkin iqtisodiy zonasi hamda Maktabgacha va maktab ta’limi boshqarmasi hamkorligida 9-11-sinf o‘quvchilar o‘rtasida tadbirkorlik asoslari va moliyaviy savodxonlik fanlari bo‘yicha olimpiadaning final bosqichi bo‘lib o‘tdi.
Olimpiadaning tantanali taqdirlash marosimida viloyat Maktabgacha va maktab ta’limi boshqarmasi va “Alabuga” erkin iqtisodiy zonasi mutasaddilari, o‘qituvchi va murabbiylar, o‘quvchilar hamda ularning ota-onalari ishtirok etishdi. Yakunda olimpiada g‘oliblariga diplom va qimmatbaho sovg‘alar topshirildi.