Robo-kodlash olimpiadasi bo‘lib o‘tdi

So‘nggi paytlarda yoshlarning orzusidagi kasblar sirasiga robototexnika va IT sohasi ham qo‘shildi. Bu qiziqish sohani chuqurroq o‘rganishga, yutuq va muvaffaqiyatlarga erishishga imkoniyat yaratmoqda. Ushbu yo‘nalishda iqtidorli o‘quvchilarni aniqlash va munosib rag‘batlantirish maqsadida Prezident maktabi, Ixtisoslashtirilgan ta’lim muassasalari agentligi tizimidagi ixtisoslashtirilgan maktablarning 5-8- hamda 9-11-sinf o‘quvchilaridan tarkib topgan jamoalari ishtirokida Termiz shahridagi Prezident maktabida Robo-kodlash olimpiadasining viloyat bosqichi o‘tkazildi.
Olimpiadada ishtirokchilar o‘zlari yaratgan mashina va robotlar bilan qatnashdilar. Jarayon qiziqarli kechdi. Yakuniy natijalarga ko‘ra 5-8-sinf o‘quvchilari o‘rtasida 1-o‘rin – Sherobod tuman ixtisoslashtirilgan maktabi, 9-11-sinflar o‘rtasida esa Sariosiyo tuman ixtisoslashtirilgan maktab-internati jamoalariga nasib etdi.