Tikuv mashinalari bilan ta’minlandi

Imkonsizlik, chorasizlikka qolgan ayolning hayotiga tub burilish yasaydigan kun, uning xotirasida bir umrga saqlanib qolishi aniq. Bugun ham “Ayollar daftari”ga kiritilgan 60 nafar xotin-qiz uchun ana shunday lahzalarga boy bo‘ldi. Sababi, ular ham jamiyatda o‘z o‘rnilarini topib, sevimli ishlari bilan band bo‘la oladilar.
Shu maqsadda Termiz shahridagi “Yoshlar sayilgohi”da shahar hokimi O‘.To‘rayev boshchiligida sektor rahbarlari, hokim o‘rinbosarlari, keng jamoatchilik vakillari ishtirokida mahallalardagi “Ayollar daftari”ga kiritilgan 60 nafar xotin-qiz kasb-hunarga o‘qish kurslarini muvaffaqiyatli yakunlaganligi munosabati bilan taqdirlash marosimi bo‘lib o‘tdi.
Xotin-qizlar muammolarini tizimli ravishda hal etish va ularni ijtimoiy qoʻllab-quvvatlash maqsadida ularga tadbirkorlik faoliyatini boshlash va oʻzini oʻzi band qilishlari uchun tikuv mashinalari topshirildi.