O‘zini o‘qi band qilib…

Hamshiralik bo‘yicha ma’lumotga ega yoshlar ish topa olmayotganidan nolib qolishadi. Avvaliga “o‘qishni tamomlayman-u ishga joylashaman” deguvchilarning ham qo‘llariga diplom tutqazishgandan keyin ish topa olmay sarosimaga tushib qolishlari bor gap. Xolbuki, ishning o‘zini emas, ko‘zini bilish kerak. Ana shundagina ish izlashga hojat qolmaydi. Sababi har birimiz issiq jon sifatida og‘rib qoldikmi, kerakli muolajaa uchun kunda poliklinikaga qatnashga yoki shifoxonaga yotib davolanishga imkonimiz bo‘lmaydi. Ana shunday paytda hamshira xizmatiga ehtiyoj sezamiz.
Ikkinchi tomondan hamshiralik ishi o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritilgan emasmi, demak bunday kasb egalari muqim bir joyda ishlamasalar ham o‘zlarini o‘zlari band qilib daromad topishlari ham mumkin. Mazkur faoliyatni o‘rta tibbiy yoki oliy hamshiralik ishi yo‘nalishi bo‘yicha oliy ma’lumotga ega tegishli axborot tizimida ro‘yxatdan o‘tgan shaxslar amalga oshiradi.