TerDUda “Qalqon” jamoatchilik guruhi tashkil etildi

Qalqon so‘zini eshitishingiz bilan sizni himoya qiladigan, qay jihatdandir qalqon bo‘ladigan qahramonlik xayolingizga keladi. Termiz davlat universitetida ham ko‘plab maqsad va vazifalarni qamrab olgan “Qalqon” jamoatchilik guruhi tashkil etildi. Ushbu jamoatchilik guruhiga talabalarni suhbat asosida qabul qilish maqsadida uchrashuv o‘tkazildi. Unda universitet rektorining yoshlar masalalari bo‘yicha maslahatchisi I.Tolipov, profilaktika inspektori X.Mahmetov, viloyat milliy gvardiya boshqarmasi xodimi U.Obidov ishtirok etdi.
Suhbat asosida 30 nafar talaba tanlab, saralab olindi. Aytish kerakki, tanlangan qalqonlarga guruh vazifalari va majburiyatlari to‘g‘risida batafsil maʼlumotlar berildi. Albatta, “Qalqon” jamoatchilik guruhining vazifasi, u qanday guruh ekaniga qiziqishingiz aniq. Yaqin kunlarda aynan siz o‘qiyotgan fakultetga tashrif buyurib, o‘z faoliyatini boshlaydigan qalqonchilar o‘z maqsadini ma’lum qilib, sizni yo‘qlashi aniq.