Buyuk kelajakka barkamol avlod bilan

“Ochiq eshiklar kuni” har qanday kishiga umid va qiziqish uyg‘otishi aniq. Sariosiyo tumanidagi 12-sonli umuta’lim maktabida Barkamol avlod bolalar maktabi tomonidan yoshlar uchun tashkil etilgan “Ochiq eshiklar kuni” ham hammaning birdek e’tiborini torta oldi.
O‘zbekiston Respublikasi Vazirlar Mahkamasining 2021-yil 27-maydagi “Maktabdan tashqari ta’lim tizimini takomillashtirishning qo‘shimcha chora-tadbirlari to‘grisida”gi 331-sonli hamda Barkamol avlod respublika bolalar maktabining 2023-yil 29-avgustdagi 01/8-283 xatiga asosan o‘tkazilgan “Buyuk kelajakka barkamol avlod bilan” shiori ostidagi “Ochiq eshiklar kuni”da 7 yo‘nalish va 60 turdagi to‘garaklarga 1450 nafar o‘quvchi-yoshlar jalb etildi. Yoshlarning qiziqish va layoqatiga qarab to‘garaklarga yo‘naltildi.
Yosh avlodni ma’naviy olamini boyitish, o‘quvchi-yoshlarning bo‘sh vaqtlarini mazmunli o‘tkazish, ular ongiga milliy qadriyatlarimizni chuqur singdirish, iste’dodi va ijodiy qobiliyatlarini namoyish qilish maqsadida olib borilayotgan bunday sa’y-harakatlar o‘z mevasini bermasdan qolmaydi.