Xalq og‘zaki ijodi necha-necha asrlar silsilasidan omon o‘tib unutilmadi, qaytamga yanada sayqallanib, ma’nan boyib, yangicha ohang, o‘ziga xos jilo topib kelaverdi. Shundanmi, xalq og‘aki ijodi namunalarini tinglab, yangidan-yangi ma’no uqamiz, ma’naviy hordiq olib, estetik zavq olamiz.
O‘zbek xalq og‘zaki ijodi tildan-tilga, dildan-dilga o‘tib, quloqlarimiz ostida jarang topar ekan, u o‘lmaydi, yashayveradi. Yanada sayqal topib boraveradi. Qumqo‘rg‘on tumanidagi 68-sonli madaniyat markazi qoshida tashkil etilgan “O‘tov” folklor etnografik xalq havaskorlik jamoasining joriy yil ikkinchi chorak hisobot konserti bo‘lib o‘tdi.
Konsertning aynan Sariosiyo tumanida joylashgan Sangardak sarchashmasida namoyish etilgani xalq og‘zaki ijodi va tabiatning go‘zal ug‘unligi bilan o‘tdi. Xalq havaskorlik ansamblining bir-biridan ajib va go‘zal chiqishlari tomoshabinlar hukmiga havola etildiki, bu chiqishlar barchada katta taassurotlar qoldirdi.
H.Kamolova
