Sog‘lomlashtirish yo‘lida…

Yoz — sog‘lomlashish, chiniqish fursati. Ayni shuning uchun ham maktabgacha ta’lim tashkilotlarida bolalarni sog‘lomlashtirish va chiniqtirish ishlari olib borilmoqdaki, bundan bolalar ham zavq olib, har bir kuni katta taassurotlarga boy o‘tayotir. Denov tumanidagi davlat xususiy sherikchiligi asosida tashkil etilgan “Qaqajonlar” nomli maktabgacha ta’lim tashkilotida bolajonlarni chiniqtirish, mashg‘ulotlarini yanada qiziqarli tashkil etish maqsadida “Suv bayrami” nishonlandi.
Xolbuki, suv, havo va quyosh vannalarini o‘tkazish chiniqtirish jarayonidagi maxsus tadbirlar sanaladi. Tadbirda bolalar ertak qahramonlari liboslarida ko‘rinish berib, dengiz hukmdori, suv parilari va boshqa qahramonlar obrazlarini jonlantirdilar. Qizg‘in voqealar rivoji, bolajonlarning ishtiroki esa jarayonni yanada qiziqarli o‘tishiga xizmat qildi.