Mehnati e’tirof etildi

Date:

Yil bo‘yi qishloq xo‘jaligi sohasida mehnat qiluvchi soha mehnatkashlari uchun ishlar qizg‘in tus oladi. Erta bahorda yerga qadalgan bug‘doy boshoqlaridan unib chiqqan g‘allani nes-nobut qilmay, yig‘ib-terib olishgan bo‘lsa, endigi navbat paxtaga.
Oq oltin parvarishi ham alohida qarov, yetarlicha agrotexnik tadbirlarni talab etadi. Qolaversa, suvlash, begona o‘tlardan tozalash ishlari ham bor. Bunda fermer-u dehqonlar, agronom-u suvchilar xizmatini ayashmaydi, kechani kecha, kunduzni kunduz demay mehnat qilishadi. Mehnatning rohatini esa hosil olib, rejani ortig‘i bilan udda qilganda ko‘rish mumkin. Ana shunday paytda yil bo‘yidagi charchoqlar zumda chiqib ketganday bo‘ladi.
Ayni shu sababdan ham Sherobod tumanida 2023-yil paxta hosili uchun g‘o‘za agrotexnikasining bajarilishi, uni sug‘orish tizimida mehnat qilib kelayotgan mexanizator va suvchilarning mehnati alohida e’tirof etildi. Viloyatdan biriktirilgan mas’ullar, tuman hokimi va sektor rahbarlari ishtirokida tumandagi barcha paxta yetishtiruvchi fermer xo‘jaligi va klasterlarda faoliyat yuritayotgan 79 nafar suvchi-xodim uchun dasturxon yozildi. Paxta ekinlarining yetishtirilishida ularning mehnati qadrlanib, maxsus kiyim va tungi yoritkich vositalari topshirildi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Parasport musobaqasi bo‘lib o‘tdi

Jismoniy imkoniyatning cheklanganligi insonni jamiyatdan uzib qo‘ymasligi kerak. Albatta,...

“Toza havo” oyligi: birinchi bosqich boshlandi

Insonlarga yaxshilik qilish qo‘limizdan kelmasa, yomonlik ham qilmaslikni o‘rganishimiz...

Kitoblar karvoni hududlarga yo‘l oldi

Kitob insonning eng yaxshi hamrohidir. Bejizga yosh-u keksa kitobga,...

Surxondaryoda respublika seminari o‘tkazildi

Prezidentimizning 2023-yil 16-17 noyabr kunlari viloyatimizga tashrifida respublikamizda birinchi...
KunTun
KunTun