“Mening farzandim – O‘zbekiston faxri”

Date:

Kim ham farzandi yurt faxri bo‘lishini istamaydi deysiz. Albatta, bu o‘z-o‘zidan bo‘lmaydi. Iste’dod va mehnat-u mashaqqat har bir yoshni u yoki bu sohada, ijodda yoki san’atda yuzaga chiqaradi. Muvaffaqiyatga erishishiga turtki bo‘ladi. Ayni shu muvaffaqiyat esa ota-onani quvontirishi, farzandi bilan faxrlanishiga sabab bo‘lishi aniq.


Xolbuki, yurtimizda, umuman Surxondaryo viloyatida yurt O‘zbekiston faxr-u iftixori bo‘lgan yoshlar talaygina. Ularning erishgan yutuqlaridan nafaqat yoshlarning ota-onalari, yaqinlari, balki el-u xalq g‘ururlanadi. Termiz shahrida “Mening farzandim – O‘zbekiston faxri” loyihasi doirasida viloyatdagi ilm-fanda, madaniyat, san’atda-yu, sportda, axborot texnologiyalari va kitobxonlikda yutuqlarga erishgan yoshlarning aniqlangani fikrimiz dalilidir. Ushbu loyiha ana shunday iqtidor egalarini har tomonlama qo‘llab-quvvatlaydi ham.


Yoshlar festivali bahonasida “Mening farzandim – O‘zbekiston faxri” loyihasining taqdirlash marosimi bo‘lib o‘tdi. Albatta, ushbu jarayon taqdirlangan yoshlar qatorida ularning ota-onalarini-da quvontirdi, hayajonga sola oldi. Unutilmas lahzalarga boy o‘tgan marosimda turli yo‘nalishda muvaffaqiyatga erishgan 10 nafar yosh va ularning ota-onalari taqdirlandi. Bu esa barcha yoshlarni ruhlantirishi, kelajakda katta maqsadlar qo‘yib, qat’iyat bilan odimlashiga, ota-onalarini-da yuzini yorug‘ qilishiga munosib motivatsiya bo‘lishi aniq.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun