Bolalar va bemorlar ratsionida asal bo‘lishi shart…

Date:

Asalning foydasi haqida juda yaxshi bilamiz. Asal yuqori nafas yoʻllari infeksiyalari alomatlarini yaxshilash bilan birga tanaga quvvat bo‘lib, immunitetni ko‘taradi. Ming dardga davo bo‘lguvchi asalning foydali jihatlarini aslo aytib ado etib bo‘lmaydi. Demak, asal bolajonlarning va betob kimsalarning doimiy ratsionidan o‘rin olar ekan, immunitet pastligidan aziyat chekishmaydi. Tanalariga dard yaqin kela olmaydi. Ayni jihatlarni inobatga olgan holda asal bog‘cha tarbiyalanuvchilari va shifoxonalardagi bemorlarning kunlik ratsioniga kiritiladigan bo‘ldi. Bu masala esa hukumat qaroriga ko‘ra, 2023-yilning 1-sentyabridan ko‘rib chiqiladi.
O‘z navbatida bu ishlarning amalga oshirilishi uchun toza va sifatli asaldan foydalanish lozim. Bozor rastalaridagi qanday tayyorlangani bizga ma’lum bo‘lmagan qadoqdagi asal mahsulotlarini ko‘r-ko‘rona xarid qilish yaramaydi. Bog‘chalar va shifoxonalar asal ishlab chiqaruvchi tadbirkorlardangina sifati kafolatlangan asal mahsulotidan olishi talab etiladi. Buning uchun har bir hududda Asalarichilik sanoat markazlari tashkil etiladi. Yuqorida aytilgan qaror bilan Surxondaryo viloyatida ham Namangan hamda Farg‘ona tajribasi asosida Аsalarichilik sanoat markazi tashkil etiladi.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay...

Yangi loyihalar taqdimoti bilan tanishildi

Surxondaryo viloyati hokimi Ulug‘bek Qosimov Jarqo‘rg‘on tumaniga tashrif buyurib,...

G‘alladan bo‘shagan yer maydonlari yoqib yuborildi

Ma’lumki, inson salomatligi muhim ahamiyatga ega, buning uchun eng...

Voha bo‘ylab sayohat

Ta’til maroqli o‘tishi uchun har bir kunni munosib rejalashtirish...
KunTun
KunTun