Nafaqat ilm-fan sohasida, balki tibbiyot sohasida ham xorij tajribasini o‘rganish, amaliyotga keng joriy etish o‘z ijobiy natijasini bermay qolmaydi. Ana shunday maqsadni ko‘zlagan holda Samarqand shahrida ilk O‘zbekiston-Germaniya tibbiyot forumi tashkil etildi. Mazkur forum davomida Toshkent tibbiyot akademiyasi Termiz filiali hamda Germaniyaning INTАМТ Akademiyasi o‘rtasida hamkorlik memorandumi imzolandi.
O‘zaro hamkorlikni rivojlantirish istiqbollarini belgilovchi memorandumda filial pofessor-o‘qituvchilarini Germaniyaning nufuzli tibbiyot muassasalari va klinikalarida stajirovkalar o‘tashlari belgilangan. Qolaversa, Germaniyada faoliyat yuritayotgan mutaxassislar filialga jalb qilinadi va o‘z navbatida filial talabalarini shartnoma asosida yozgi amaliyotlarini Germaniyada o‘tashi yo‘lga qo‘yiladi. Muzokaralar davomida ayni shu masalalar muhokama qilindi.
S.Davlatova
