“Oqtoshobod” ish boshladi

Date:

Tibbiyot sohasiga qaratilayotgan e’tibor negizida xalqmizning sihat-salomatligini asrash yotadi. Shahar markazida bo‘ladimi, chekka hudud — qishloq va ovullarda bo‘ladimi, barcha tibbiy ko‘rikdan o‘tishi, doimiy nazoratda turishi lozim. Buning uchun esa oilaviy shifokorlik punktlari, klinikalar faoliyati yo‘lga qo‘yilgan bo‘lib, tibbiyot xodimlari kecha-yu kunduz kerakli tibbiy yordamni ko‘rsatishga shay.
Gap oilaviy shifokorlik punktlari haqida ketar ekan, so‘nggi paytlarda elektron poliklinika atamasi kirib keldiki, bu orqali aholi bilan ishlashning yangicha va qulay tizimi yaratildi. Qolaversa, tibbiyot punktlarining moddiy-texnik bazasi, shart-sharoitlari yaxshilanib, kerakli qurilish-ta’mirlash ishlari ham olib borilayotgani kishini quvontiradi.
Muzrabot tumanining “Fayziobod” mahallasi aholisi uchun pudratchi tashkilot “Samoni-Nur Sultoni” MCHJ tomonidan, 2 milliard 200 million so‘m mablag‘ hisobiga tuman tibbiyot birlashmasiga qarashli “Oqtoshobod” oilaviy shifokorlik punktining yangi binosi barpo etilgani ana shunday ishlarning amaldagi bir ko‘rinishidir.
Mazkur binoning ochilish marosimi va foydalanishga topshirilishi esa “Fayziobod”larning yosh-u keksasini birdek quvontirdi. Tadbirni ochib bergan tuman hokimi A.Ismailov mahalla aholisini yangi binoning foydalanishga topshirilishi bilan tabriklab, qilinayotgan bunday katta o‘zgarishlar haqida to‘lqinlanib so‘zladi.
Bayram tadbiridan so‘ng barcha oilaviy shifokorlik punktidagi shart-sharoitlar bilan tanishdi. Ushbu tibbiyot maskani aholi salomatligi uchun uzoq yillar xizmat qilib, tanlarga sihat ulashadi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun