Afandi o‘zbek xalq og‘zaki ijodida o‘ziga xos va komik obrazdir. Uning sarguzashtlari nafaqat tomoshabinda kulgu qo‘zg‘aydi, balki davrning achchiq haqiqatlarini, og‘riqlarini ochiq berish bilan birga munosib yechim topib bera olishi bilan, haqiqat va adolatning, ezgulikning tantanasi bilan ahamiyatli. Teatr haftaligi doirasida esa Termiz davlat universitetida Oʻzbekiston davlat drama teatri jamoasi tomonidan sahnalashtirilgan “Ojiza demang bizni” nomli komedik spektakl namoyish etildi.
Ibrohim Sodiqovning “Afandining besh xotini” asari asosida Rasuljon Togʻayqulov rejissyorligi asosida sahnalashtirilgan mazkur spektaklda ayollarning jamiyatdagi o‘rni, ularning har jabhada ilg‘or ekanligi aktyorlar tomonidan mohirona ijro etildi. Ayniqsa, haftalik doirasida talabalar e’tiboriga komediya janridagi spektaklning havola etilishi, yoshlarga haqiqiy kulgu zavqini ulashdi. Shuningdek, tomoshabinlar aktyorlar ijrosidagi joʻshqin, shoʻx musiqa va raqslardan bahramand boʻlishdi.
Oliygohda spektal tomoshalari davom etmoqda.
