Afg‘on xalqiga insonparvarlik yordami yetkazildi

Date:

O‘zbek xalqi insonparvarligi, oliyjanobligi bilan o‘ziga zeb berganini, ularning amaliy harakatlaridan bilish, ko‘rish mumkin. Ayniqsa, bunday insoniy fazilatlar ulug‘ ayyom oylarida bir necha baravar ortgani quvonarli hol. Xalqimiz mushkul ahvolga tushib qolgan insonlar, oilalar bormi, holidan xabar olib, yo‘qlashni, ehson qilishni o‘z burchi deb biladi. Kunda, kun ora yo‘qlovlarning, har kungi iftorlik dasturxonlari yozilishining sababi ham shunda. Maqsad hech bir ko‘ngil o‘zini kemtik sezmasligi lozim.


Prezidentimizning topshirig‘iga asosan, afg‘on xalqiga ham ana shunday yordam qo‘li cho‘zildi. 185 tonnadan ortiq zarur oziq-ovqat mahsulotlari ortilgan navbatdagi insonparvarlik yuklari karvoni Hayraton chegara o‘tkazish punkti orqali qo‘shni mamlakatning Balx viloyati shimolidagi Hayraton shahriga yetkazildi.
Aytish kerakki, ushbu insonparvarlik yordami tarkibida 48 tonna un, 48 tonna bug‘doy, 15,7 tonna o‘simlik yog‘i, 10 020 dona konservalangan go‘sht mahsulotlari (tushyonka), 22 tonna makaron, 24 tonna shakar hamda 100 ming dona tez tayyorlanadigan lapsha (Hot lanch) kabi mahsulotlar o‘rin olgan.


Hayraton shahridagi Astras kompaniyasi hududida o‘zbekistonlik mas’ullar ishtirokida insonparvarlik yordamini topshirish marosimi bo‘lib o‘tdi. Marosim sabab, ikki davlat rasmiylari ishtirokida hududlarning o‘zaro savdo-iqtisodiy va gumanitar sohadagi hamkorligini rivojlantirish borasida muzokaralar ham o‘tkazildi. Mezbonlar Muborak Ramazon oyida ko‘rsatilgan bu kabi amaliy yordam uchun o‘zbek xalqiga o‘z minnatdorchiligini bildirdi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun