Atrof-muhit tozaligi va ekologiyani asrash har doim ham dolzarb muammo bo‘lib kelgan. Birgina avtomobillardan chiqayotgan zaharli tutunning o‘zi insoniyatga, tabiatga qanchadan-qancha zarar yetkazadi. Benzin va gaz bilan harakatlanadigan avtomobillarni elektromobillar bilan almashtirish jarayoni allaqachon boshlab yuborildi. To‘g‘ri, bu mablag‘ va vaqt talab etadigan jarayon.
Shu o‘rinda qiziq savol tug‘iladi. Elektromobillar qanday quvvatlanadi? Buning uchun ham cho‘ntakbop va qulay yechim bormikan? Yangilik sifatida aytish kerakki, O‘zbekistonda elektromobillar uchun “quyosh” quvvatlash qurilmasi yaratilmoqda. Bu ish bilan Qayta tiklanuvchi energiya manbalari milliy ilmiy-tadqiqot instituti mutaxassislari shug‘ulanishayotir.
Quyosh texnologiyalarini qo‘llagan holda elektromobillarni yuqori tezlikda quvvatlovchi qurilmalar barcha hududlarda joriy etiladi. Natijada respublikada o‘rnatilgan har bir tizim yiliga 32 ming kVt.soat elektr energiyasi ishlab chiqarib, 950 ta elektromobilni quvvatlash imkoniyati yaratiladi.
S.Allayeva
