Boysun tumanidagi “Inkabot” mahallasida “Milliy armiyamiz – yoshlar nigohida” shiori ostida yoshlar festivali tashkil etildi. Tadbirlar, musobaqa-yu bellashuvlar yoshlarning kuchiga kuch qo‘shdi.
Alp o‘g‘lonlar maydonga tushib, raqibini kuragini yerga tekkizish uchun kurashgan bo‘lsa, tosh ko‘tarishda, miltig‘-u kamondan o‘q otishda merganlar saralandi. Arqon tortish bellashuvi esa kuchlilarni aniqlab berdi. Chaqqonligu epchillikda er yigitlardan qolishmaydigan Barchinlar ot ustida kurashdilar. Valeybol o‘ynab, zakovatda bilimlarini sinovdan o‘tkazdilar.
Festival bahonasida ishsiz yoshlarning bandligini ta’minlash maqsadida subsidiya tariqasida asbob-uskunalar tarqatildi.
“Yashil makon” umummilliy aksiyalari, bo‘sh ish o‘rinlari mehnat yarmarkasi, taktik o‘quv-amaliy seminarlar ham yoshlarni befarq qoldirmadi.
S.Murodova
