Aichi-Nagoya–2026 Para Osiyo o‘yinlarining para dzyudo bahslarida O‘zbekiston vakillari o‘zaro final bellashuvida kuch sinashdi.
Erkaklar o‘rtasida J1 klassining −95 kg vazn toifasida kechgan hal qiluvchi bahsda Muhammad Abduqulov hamyurtimiz Turg‘un Abdiyev ustidan g‘alaba qozonib, oltin medalni qo‘lga kiritdi. Turg‘un Abdiyev esa kumush medal bilan taqdirlandi.
Mazkur vazn toifasidagi bronza medallari Eron va Indoneziya sportchilariga nasib etdi.
Ikki hamyurtimizning finalgacha yetib borib, O‘zbekiston sharafini munosib himoya qilgani quvonarli. G‘olib va sovrindorlarimizni tabriklaymiz, ularga yangi zafarlar tilaymiz!
