Surxondaryo viloyati hokimi Ulug‘bek Qosimov Angor tumanining Navshahar mahallasida bo‘lib, Prezidentning 141-son qarori doirasida amalga oshirilayotgan ishlar bilan tanishdi. Tashrif davomida hududni kompleks rivojlantirish, infratuzilmani yaxshilash va aholi uchun qulay sharoit yaratish masalalari muhokama qilindi.
Shuningdek, mahalladagi ko‘prikni rekonstruksiya qilish ishlari ko‘zdan kechirilib, qurilishni jadallashtirish, ishlarni sifatli va belgilangan muddatda yakunlash bo‘yicha mas’ullarga topshiriqlar berildi.
Mas’ullarga 141-son qarorida belgilangan vazifalar ijrosini ta’minlash hamda infratuzilma obyektlarini sifatli barpo etish ishlarini tizimli davom ettirish vazifasi yuklatildi.
