Yangi o‘quv yiliga tayyorgarlik doirasida Angor tumanidagi 11-sonli umumiy o‘rta ta’lim maktabida o‘quvchilar uchun qo‘shimcha imkoniyatlar yaratilmoqda.
Maktab uchun barpo etilgan 240 o‘rinli yangi qo‘shimcha bino foydalanishga topshirishga tayyor. Zamonaviy va qulay sharoitlarga ega mazkur bino ta’lim sifatini oshirish hamda o‘quvchilar uchun munosib muhit yaratishga xizmat qiladi.
Yangi o‘quv yilida maktabga 86 nafar 1-sinf o‘quvchisi qabul qilinishi, jami esa 700 nafardan ortiq o‘quvchi ta’lim olishi kutilmoqda.
Yangi bino maktabdagi mavjud quvvatni oshirib, o‘quvchilar uchun yanada qulay ta’lim sharoitlarini ta’minlaydi.
