Ilm va kitob — inson umr yo‘llarini yorituvchi so‘nmas nur, inson hayotiga mazmun baxsh etuvchi saodat manbayi, har qanday vaziyatda ham hamroh bo‘lguvchi sodiq do‘stdir. Insonning ruhiy-ma’naviy kamolotini ta’minlashda kitobchalik kuchli qudratga ega hech qanday teng keladigan vosita yo‘qdir.
Yoshlar ma’naviyatini yuksaltirish, ular o‘rtasida kitobxonlik, mutolaa madaniyatini targ‘ib etish borasidagi xayrli ishlardan biri Bandixon tumanida amalga oshirildi. Maktabni 20 yil oldin, ya’ni 2005-yilda bitirgan bir guruh bandixonlik ziyoli qatlam vakillari tomonidan tumandagi Ixtisoslashtirilgan maktabga 500dan ortiq badiiy adabiyotlar toʻplami sovgʻa qilindi.
