Kutubxona — o‘quvchiga yangi bilimlarni o‘zlashtirish va dunyoqarashini boyitish uchun ajralmas manba bo‘lib xizmat qiladi. Kutubxonaga tashrif, nafaqat o‘qish va o‘rganish, balki o‘quvchining yangi fikrlar bilan boyitish va kreativ tafakkurga ega bo‘lishning ajoyib imkoniyatidir.
Kutubxona faqat ilmiy bilimlar olish joyi emas, balki kitobxonning ruhiy o‘sishini ta’minlaydigan muhim muhitdir. Mutolaa orqali inson o‘zining ichki dunyosini anglash, empatiya, tasavvur va analitik fikrlash qobiliyatlarini rivojlantiradi. Badiiy adabiyotlar, tarixiy asarlar yoki falsafiy g‘oyalar kitobxonga yangi hissiyotlarni, o‘ylash usullarini paydo qiladi. Kitobxon kutubxona orqali nafaqat ilmiy, balki ruhiy ma’naviy o‘sishga ham erishadi.
Bugun yoshlarning asosiy vaqti ham mana shunday ilm va ziyo ulashuvchi maskanlarda o‘tayotgani ma’naviyatli, ilmli, iqtidorli va kitobxonlar sonini oshishiga xizmat qilmoqda. Qolaversa, ziyrak o‘quvchi kitob bilan kitobning farqini biladi va munosib tanlov qila olayotgani ham yutug‘imiz aslida. Har bir tashrif — bu o‘z maqsadlariga erishish uchun qilingan bir qadamdir. O‘quvchi bu qadami orqali o‘zini yangi bilimlarga tayyorlash imkoniyatiga ega bo‘ladi.
Munavvar Qurbongeldiyeva,
Qiziriq Axborot kutubxona markazi xodimi
