“Kitob ulash”

Eshigingizni qoqib kelishsa-yu, notanish kishilar kutilmaganda sizga kitob tuhfa qilishsa, hayron qolmang. Sababi “Kitob ulash” aksiyasi doirasida Respublika Ma’naviyat va ma’rifat markazi vakillari xonadonlarga kitoblar ulashib, aholining ma’naviy dunyosini kengaytirish maqsadida ana shunday ezgu tashabbusga qo‘l urishgan.
Albatta, xonadoniga kitob bilan borgan insonlarni ko‘rganning boshi osmonga yetib, o‘z minnatdorligini bildirishayotir. Tanlangan adabiyotlar ham o‘zbek va jahon adabiyotining nodir durdonalari. Bir olam ma’naviy xordiq ulashib, o‘qishga undaydigan asarlar. Zora, shunchaki varaqlash bilan o‘qishga tutunishsa, mutolaaga odatlanishsa, ma’naviyat targ‘ibotchilari o‘z ko‘zlagan maqsadlariga yetishgan bo‘lardi…