Bahoriy kayfiyat ulashib…

Bahor yaqin. Ammo, janubiy vohada allaqachon bahor nafasi hukmron. Bodom gullab, tog‘lar qo‘ynidan boychechaklar bo‘y ko‘rsatdi. Ushbu go‘zallikdan bahra olib, qalbimizni ham bahoriy kayfiyat chulg‘ab olgani rost. Sa’y-harakatlarimiz ham ayni faslga monand. Yerga ko‘chat qadab, ekin-tikin, obodonlashtirish ishlarini ham boshlab yuborganmiz. Xonadonimiz, ko‘chalarimiz, mahallamiz go‘zal va obod qiyofa kasb etgan.
Xususan, Muzrabot tumanidagi “To‘xtamish” mahallasi ham yashil makonga aylanayotir. Mahallada ibratli ishlar amalga oshirilmoqda. Turli manzarali daraxt ko‘chatlari ekilib, yashil libosga burkanmoqda.