G‘oliblik sari ildamlab

Kurash sport turiga qatnaydiganlarning yuragida o‘ti bo‘ladi. Ular maydonga tushib, bilagidagi kuchni ko‘rsatish bilan yurakdagi o‘tni so‘ndiradilar. Kurashchi qiz bola bo‘ladimi, o‘g‘il bola, albatta, mardi maydon bo‘lmog‘i lozim. Termiz shahrida tashkil etilgan Kurash bo‘yicha viloyat chempionati ana shunday polvonlarni kurashga chorladi. Musobaqa 2009-2010-yillarda tug‘ilgan kichik o‘smir va qizlar o‘rtasida bo‘lib o‘tdi.
O‘smir yoshlarning kurashuvini kuzatish har bir tomoshabinga zavq-shavq bag‘ishladi. Kurash ixlosmandlari polvonlarni xayqirig‘u qarsaklari bilan qo‘llab turdilar. Qo‘llovdan ruhlangan polvonlar g‘oliblik sari ildamlab, raqiblarining kuragini yerga tekkazdilar. Musobaqada Oltinsoy tumani sport maktabi sportchi o‘quvchilari +63 kilogramm vaznda Dilnoza Jo‘rayeva, 52 kilogramm vaznda Durdona Mengnoravalar 1-o‘rinni egallashdi.