Talon-toroj holati aniqlandi

Hamma ham o‘z xizmat vakolatini sidqi dildan bajarib, halol mehnat qilavermaydi. Olayotgan oylik maoshidan-da ko‘prog‘ini istab, nafsiga erk beradi-da, o‘zganing haqi bilan boyishni kasb etadi. Bosh prokuratura huzuridagi Departamentning Oltinsoy tuman bo‘limi tomonidan o‘tkazilgan tergovga qadar tekshiruvda tumandagi “Q.” MFY bo‘yicha sobiq hokim yordamchisi Q.N. ham ana shunday yo‘lni tutdi.
U 7 nafar fuqaroga issiqxona qurish uchun ajratilgan 215,4 million so‘m imtiyozli kreditni o‘zi norasmiy boshqarib kelayotgan “O.C.” va “B.T.” MCHJlarning hisob raqamlariga o‘tkazib o‘zlashtirish va rastrata qilish yo‘li bilan talon-toroj qildi. Tergov natijalari orqali holat ochiqlanib, aybdor Jinoyat kodeksining tegishli moddalari bilan javob berishiga to‘g‘ri keldi.