Yutuqlar bardavom bo‘ldi

Vohamiz bo‘ylab yoshlarimizning sport turlari bo‘yicha erishayotgan muvaffaqiyatlarini eshitib, har bir vohadoshimizning qalbi quvonchga to‘lishi aniq. Farzandlarini ham ayni ularga o‘xshashini istab havaslanishlari ham rost gap. Toshkent shahrida sportning USHU turi bo‘yicha O‘rta Osiyo chempionati bo‘lib o‘tgani, unda vohamiz yoshlarining-da ishtirok etishgani ana shu xushxabarlarning davomi bo‘ldi, deyish mumkin.
Aytish joizki, chempionatda 6 ta davlatdan 1500 nafar sportchi ishtirok etdi. Angorlik yosh sportchilar ham bo‘sh kelishmadi, bor imkoniyatlarini ishga solib, munosib bellashdilar. Natija esa yomon bo‘lmadi, faxrli o‘rinlarni qo‘lga kiritishdi. Daler Shodiyev ikkinchi, Muhammad Abduxalilov, Jasur Hasanov, Sardor Rashidov hamda Shamshod Bahodirovlar esa uchinchi o‘rinni egallashdi.