Muammo yechib topdi

Sherobodlik Qirmiz Qulmurodovaning tikuvchilikka ishtiyoqi baland. Qo‘liga nina-ip, qaychi va mato tushdimi, undan bejirim liboslar tikishni yoqtiradi. “Tikuv mashinkam yo‘q” deb o‘tirmaydi-da, qo‘lda tikib ketaveradi. Muhimi, shu ishni udda qila olishini o‘zi uchun isbotlashga urinadi. Bu esa tikuvchilik qila olishga ishonchini oshirdi. Yurtimizda yoshlarga har tomonlama ko‘mak ko‘rsatish uchun toifalarga kiritilgan yoshlar mas’ul rahbarlarga biriktirilib, yoshlar doimiy ravishda qo‘llab-quvvatlanib, muammolarini hal etishda amaliy yordam ko‘rsatilmoqda.
Yoshlarni o‘rganib, ko‘mak ko‘rsatish maqsadida Sherobod tuman Yoshlar ishlari agentligi bo‘limi mas’ullari Qirmiz yashaydigan “Boyqishloq” MFYda ham bo‘lishib, uning ham ko‘ngliga qo‘l solishdi. Qiziqishlari, istaklari haqida so‘rashdi.
Shundan so‘ng, Qirmizga yangi tikish mashinkasi berishib, muammoga munosib yechim topishdi. Bunday qimmatli tuhfadan esa qizning boshi osmonda, u mutasaddilarga o‘z minnatdorchiligini bildirib, endi tikuvchilik bilan shug‘ullanib, o‘zini-o‘zi band qilishini ta’kidladi.