Muhandislik, ishlab chiqarish va ishlov berish, arxitektura-qurilish hamda qishloq xo‘jaligi ta’lim sohalarida dual ta’lim shaklida tahsil olayotgan talabalar uchun yangi imkoniyat yaratiladi. Ular 2-kursdan boshlab davlat granti kvotalari doirasida o‘qishini davom ettirishi mumkin bo‘ladi.
Shuningdek, dual ta’limda kadrlar tayyorlash istagidagi korxonalar uchun murabbiylarni tayyorlash kurslari tashkil etiladi. Yuqori natija qayd etgan OTM va korxonalar 1, 2 va 3 milliard so‘m miqdorida rag‘batlantiriladi.
