Iqlim o‘zgarishi sharoitida issiqxona gazlari chiqindilarini kamaytirish va “yashil” energiya imkoniyatlaridan samarali foydalanish muhim vazifa ekani ta’kidlandi.
“Yashil” energiyani “karbon kredit”ga aylantirish Qoraqalpog‘istonga yiliga 50–100 million dollargacha daromad keltirishi mumkin.
Mutasaddilarga bir oy muddatda “karbon kredit” mexanizmini hududda yo‘lga qo‘yish, shuningdek, yirik importyor davlatlar bilan muzokaralar o‘tkazish topshirildi.
“Karbon kredit” eksportidan tushadigan mablag‘lar infratuzilmani rivojlantirish uchun ajratilayotgan mablag‘larga qo‘shimcha bo‘lib, Qoraqalpog‘istonning o‘zida qoladi.
Shuningdek, yil yakunigacha Orolning 50 ming gektar maydonida “o‘rmon karbon krediti” dasturini boshlash vazifasi belgilandi. Mazkur yo‘nalish ekologik vaziyati og‘ir hududlarda daraxt ekishni moliyalashtirishga xizmat qiladi.
