Qishloq xo‘jaligi vazirligi yo‘l va dalalar atrofida chiqindilar to‘planishining oldini olishga qaratilgan amaliy tashabbusni yo‘lga qo‘ymoqda. Buning uchun yo‘l chetlariga basketbol savatiga o‘xshash maxsus chiqindi savatlari o‘rnatilib, haydovchi va yo‘lovchilarga chiqindini yo‘lga emas, belgilangan joyga tashlash imkoniyati yaratilmoqda.
Oddiy, ammo amaliy bu yechim yo‘l bo‘ylariga sochilib ketadigan plastik idishlar, qog‘oz va boshqa maishiy chiqindilarni kamaytirish, dalalar hamda qishloq xo‘jaligi hududlarining tozaligini saqlashga xizmat qiladi. Tashabbusning ahamiyati shundaki, chiqindini tashlamaslikni talab qilish bilan birga, uni belgilangan joyga tashlash uchun qulay sharoit ham yaratilmoqda.
