Atmosfera havosini muhofaza qilish va ekologik madaniyatni yuksaltirishga qaratilgan navbatdagi tashabbus Surxondaryoda ham qo‘llab-quvvatlandi.
Surxondaryo viloyati Ekologiya va iqlim o‘zgarishi bosh boshqarmasi xodimlari ishtirokida “Avtomobilsiz kun” aksiyasi o‘tkazildi. Unda xodimlar xizmat va shaxsiy avtomobillaridan vaqtincha voz kechib, ish joylariga jamoat transporti, velosiped va boshqa vositalarda yetib kelishdi.
Aksiya orqali avtotransportdan chiqadigan zararli tashlamalarni kamaytirish, toza havo va “yashil” transportdan foydalanish madaniyatini targ‘ib qilish maqsad qilindi.
