Maktabgacha va maktab ta’limi vaziri o‘rinbosari Farhod Boqiyev Surxondaryoga tashrifi doirasida Termiz shahridagi 1- va 12-sonli umumiy o‘rta ta’lim maktablarida bo‘lib, ta’lim-tarbiya jarayoni va yaratilgan shart-sharoitlarni o‘rgandi.
O‘rganishlarda ma’naviy-ma’rifiy ishlar, o‘quvchilar bilan olib borilayotgan tarbiyaviy ishlar, pedagoglar uchun mehnat sharoitlari, maktablarning moddiy-texnik bazasi hamda kutubxonalar holatiga e’tibor qaratildi.
Shuningdek, o‘quvchilarning kitobxonlik madaniyatini oshirish va kutubxonalardan samarali foydalanishni yo‘lga qo‘yish yuzasidan mas’ullarga tavsiya va topshiriqlar berildi.
Tashrif davomida pedagoglar bilan ochiq muloqot o‘tkazilib, ta’lim sifatini oshirish va maktab faoliyatini yanada takomillashtirish bo‘yicha ularning fikr va takliflari tinglandi.
