Viloyat hokimi Ulug‘bek Qosimovning Jarqo‘rg‘on tumanidagi amaliy tashrifi Paxtazavod va Alisher Navoiy mahallalarida davom etdi.
Tashrif davomida mahallalarning obodonlashtirish va ko‘kalamzorlashtirish holati, ko‘chalar hamda ichki yo‘llarning tozaligi ko‘zdan kechirildi. Mas’ullarga hududlarda ozodalik va ko‘rkamlikni ta’minlash ishlarini tizimli davom ettirish bo‘yicha topshiriqlar berildi.
Shuningdek, mahallalarda shukronalik kayfiyatini targ‘ib qilish, tinchlik va osoyishtalikning qadriga yetish, aholi bandligini ta’minlash hamda tadbirkorlik uchun mavjud imkoniyatlardan samarali foydalanish masalalariga e’tibor qaratildi. Aholi bilan muloqotda ularning taklif va muammolari tinglanib, mavjud kamchiliklarni bartaraf etish yuzasidan fikr almashildi.
Viloyat hokimi tuman hokimiga boshlangan ishlarni jadallashtirish, hududlarni yanada obod qilish va aholi uchun munosib yashash sharoitlarini yaratish bo‘yicha aniq topshiriqlar berdi.
