Ko‘p qavatli uylarning birinchi qavatidagi xonadonlardan tadbirkorlik maqsadida foydalanish tartibi soddalashtirilishi taklif etilmoqda.
Unga ko‘ra, xonadonni noturar joy toifasiga o‘tkazmasdan, sartaroshxona, go‘zallik saloni, kichik do‘kon, atelye, poyabzal va maishiy texnika ustaxonasi kabi savdo va servis shoxobchalarini tashkil etishga ruxsat beriladi. Bunda xabardor qilishning o‘zi yetarli bo‘lishi ko‘zda tutilmoqda.
Mazkur taklif aholi uchun qulay xizmatlarni ko‘paytirish, kichik tadbirkorlikni rivojlantirish va yangi ish o‘rinlari yaratishga xizmat qiladi.
